Garoonka Diyaaradaha Libiya Oo Xaley La Duqeeyey, Lana Hakiyey Duullimaadkii

Diyaaradaha Dagaalka ee Khaliifa Xaftar ayaa la sheegay inay caawa duqeyn cusub la beegsadeen Garoonka Calaamiga ee Mitiga ee caasimadda dalka Liibiya ee Tripoli.

Maamulka Garoonka waxay bartooda Facebook-ga ku sheegeen in la joojiyey Duullimaadyadii Diyaaradaha ee Garoonka Tripoli, kadib, markii ay Ciiddanka Cirka ee Khaliifa Xaftar duqeymo cusub caawa ka geysteen Garoonka.

Ilo-wareedyo ka tirsan Qeybta Duullimaadyadda ayaa sheegay inay Diyaarad Daroonis oo ay Ciiddanka Xaftar leeyihiin ay wax ka badan hal mar duqeeyeen, balse, lama sheegin faahfaahinta khasaaraha soo gaaray Garoonka.

Dhinaca kale, afhayeenka Ciiddanka Xaftar oo lagu magacaabo Axmed Al-Mismari ayaa sheegay in duqeymahaasi lagu burburiyey qolka laga hago Diyaaradaha Draooniska ee Milliteriga Dowladda Liibiya.

Balse, ilo ka tirsan Garoonkaasi ayaa beeniyey sheegashadaasi, waxayna sheegeen in in la  duqeeyey qeybta Duullimaadka Rayidka ee Garoonka.

Ma aha markii ugu horreysay ee Garoonka Mitiga Airport ee magaalladda Tripoli la duqeeyo, iyadoo weerarkii ugu dambeeyey dhacay 2 maalmood ka hor.

 

 

Leave a Reply

Your email address will not be published. Required fields are marked *