Wararka

Faahfaahino laga helayo Qaraxa ka dhacay Muqdisho & Cida lala Beegsaday

Qarax jugtiisa caawa laga maqlay qeybo badan oo kamid ah magaalada Muqdisho ayaa ka dhacay meel ku dhaw xerada ciidamada Cirka Afasiyooni ee kutaala degmada Waabari ee gobolka Banaadir.

Qaraxa ayaa haleelay gaari ay lahaayeen ciidamada booliiska oo xiligaasi laamiga marayay, walina lama oga in qaraxan uu ahaa miino wadada dhinaceeda lagu aasay iyo in uu ahaa qarax gaariga ku xirnaa.

Ciidamada booliiska ayaa si deg deg ah u xiray goobta uu qaraxu ka dhacay, walina si rasmi ah looma oga cida la socotay qaarigan booliis ee la qarxiyay iyo waliba khasaaraha qaraxa kasoo gaaray.

Qaraxan caawa dhacay ayaa imaanaya xili amaanka Muqdisho la adkeeyay, waxaana beri la filayaa in Muqdisho la keeno meydka Gudoomiyihii gobolka Banaadir Eng Yariisow oo kusoo geeriyooday dalka Qadar kadib dhaawac culus oo kasoo gaaray qaraxii Gobolka ka dhacay.

Leave a Reply

Your email address will not be published. Required fields are marked *